И покрај најавите дека Серхио Рамос летово ќе го напушти Реал Мадрид, „Марка“ објави дека шпанскиот репрезентативец ќе остане на „Сантијаго Бернабеу“ до 2020 година.
Според новиот договор Рамос ќе добие девет милиони годишна плата.
Токму висината на плата беше причината за неизвесноста дали Рамос ќе остане на „Сантијаго Бернабеу“, бидејќи тој бараше зголемување на приходите и годишна плата од 10 милиони евра, а Реал му нудеше шест.
Сепак компромис е постигнат, така што отпаѓаат комбинациите Шпанецот да заигра во Премиер лига како член на Манчестер Јунајтед, клуб кој беше сериозно заинтересиран за негов ангажман.