Менаџерот на Манчестер Јунајтед Луј Ван Гал ги засили шпекулациите околу можно заминување на Анхел ди Марија од „Олд Трафорд“ со неговата изјава дадена по поразот од ПСЖ.
- Немам поим каде е Ди Марија. Можеби вие знаете повеќе. Ние не знаеме, рече предводникот на Манчестер.
Од друга страна, тренерот на парижаните Лоран Блан е поупатен од својот колега што се однесува до статусот на аргентинскиот интернационалец.
- Манчестер јунајтед и ПСЖ се големи клубови, а преговори знаат да бидат доста тешки. Но, мислам дека сме пред комплетирање на работата, изјави Блан.
ПСЖ ноќеска по полноќ во Чикаго го совлада Манчестер Јунајтед со 2:0 на дуелот од Интернационалниот шампионски куп во САД.