Менаџерот на „црвените“ Брендон Роџерс сака што поскоро да се ослободи од италијанскиот репрезентативец, ова лично му го соопшти на напаѓачот.
Токму поради ова Марио Балотели нема да се најде во составот против Хелсинки, како и на пријателскиот дуел в недела. Во моментов италијанскиот репрезентативец тренира одделно, а Роџерс се обидува да го држи што подалеку од тимот.
И покрај големата желба на менаџерот на Ливерпул што поскоро да се ослободи од Балотели, тоа ќе оди потешко бидејќи за него челниците на клубот бараат 10 милиони фунти.