Одбранбениот фудбалер на Барселона Жерар Пике е казнет со четири натпревари неиграње поради црвениот картон што го доби на реванш мечот против Атлетик Билбао во Суперкупот на Шпанија. Пике поради пцости кон линискиот судија заработи директен црвен картон, а Дисциплинската комисија на ФС на Шпанија го лиши од настап на средбите во Примера против Атлетик Билбао, Малага, Атлетико Мадрид и Леванте.
Играчот на Барса дополнително беше казнет и со 3000 евра, а самиот клуб е санкциониран со 1400 евра. Клубот може да се жали на решението пред Апелационата комисија.
Во меѓувреме Пике се извини на судијата за своето однесување преку социјалните мрежи.
„Сакам да се извинам поради своето однесување кон линискиот судија кое не беше правилно. Влогот на тој натпревар беше голем и напнатоста беше многу висока. Исто така сакам да кажамн дека во ниту еден момент не сум го навредил на каков било начин“, напишал Пике на „Твитер“.