Рубин Казан е екипата што ќе игра во групната фаза на Лигата на Европа, откако во втората средба минимално славеше над нашиот Работнички.
Голот на Карлос Едуардо во 33’ минута беше доволен за домаќините да обезбедат понатамошен пласман. Сосема заслужено рускиот претставник мина понатаму, бидејќи разликата можеше да биде и плус два, па и три во нивна корист. Сепак, Работнички на голот го имаше Даниел Божиновски кој беше брилијантен. Во неколку наврати ги извади од бездната своите играчи при што изнуди заслужени аплаузи од тамошната публика. Во вториот дел Работнички тргна поофанзивно, но, повторно шансите се редеа на страната на гостите. Потоа, Рубин комплетно се повлече, а тимот од Дебар Маало имаше една полушанса. Таа, на Анене, кога Рижиков излета во празно при една нафрлена топка, Алтипармаковски ја нафрли точно на главата на Норвежанецот, кој шутираше катастрофално.
Работнички беше нашиот последен претставник во квалификациите на едно од елитните европски натпреварувања, откако „милионерите“ Шкендија и Вардар испаднаа на самиот старт.