Со поразите на Аргентина и на Бразил ноќеска стартуваа јужноамериканските квалификации за фудбалскиот Мундијал 2018 година во Русија.
Аргентина загуби дома од Еквадор со 2:0, а гостите го искористија отсуството на Лионел Меси, кој не игра поради повреда, и за две минути со головите на Фриксон Еразо (81. минута) и Фелипе Каичедо (82.) стигнаа до триумф.
Шампионот на Јужна Америка, Чиле го победи Бразил на домашен терен со 2:0, а мрежата на „кариоките“ ја затресоа Едуардо Варгас (72.) и Алексис Санчез (88.).
На другите натпревари од првото коло: Боливија – Уругвај 0:2, Колумбија – Перу 2:0 и Венецуела – Парагвај 0:1.
Во второто коло на 13 октомври ќе играат: Еквадор – Боливија, Уругвај – Колумбија, Парагвај – Аргентина, Бразил – Венецуела и Перу – Чиле.
