Во натпревар каде што повеќе и подобри шанси имаа домаќините, нашите момци успеаа без пораз да го завршат овој кошмар, наречен квалификации за Европско првенство. Во првиот дел домаќините имаа неклолку шанси, додека во добро светло се покажа дебитантот на нашиот гол Давид Митов Нилсон. Во продолжението, нашите момци се обидуваа со шутеви од далечина преку Ибраими и Тричковски, но домаќините имаа среќа. Во првиот обид во 55’ минута членот на Марибор шутираше по средината на голот, при што Горбунов само ја одби, на истата налета Иван Тричковски, но со рефлексна реакција Горбунов спаси водство за Македонија. Во вториот обид, Иван Тричковски од некаде 20 метри, шутна, при што топката удри во еден од дефанзивците, за на крајот да заврши во пречката. Најсериозната шанса за гол ја имаа домаќините, поточно Политевич кој од 16. метри со волеј удар ја „скрши“ пречката од голот на Митов Нилсон. До крајот, ниту една од двете репрезентации немаше посериозна шанса. Со тоа, Македонија во групата „Ц“ стигна до четири поени, додека Белорусија сега има 11.