Полска се пласираше на завршницата во Франција, а секако најзаслужен за овој успех на репрезентацијата беше првата ѕвезда во составот, Роберт Левандовски. Напаѓачот на Баерн Минхен беше на висината на задачата и во националниот дрес. Во клучниот меч против Република Ирска тој го даде клучниот гол за триумф од 2:1.
За Левандовски ова беше вкупно 13. погодок во квалификациите, со што го израмни рекордот на Давид Хили од Северна Ирска, за најдобар стрелец во историјата на евро квалификацитие. Тоа значи дека полскиот голгетер во просек има 1,3 гола по меч. Полска го има најдобриот напад во овие квалификации и постигна вкупно 33 погодоци, односно 3,3 на средба, па затоа и заслужено ќе се најде меѓу најдобрите во Франција.