Напаѓачот на Милан Марио Балотели успешно беше опериран по повредата на препоните, соопштија од италијанскиот прволигаш. Играчот кој игра за „Росонерите“ како позајмен од Ливерпул нема настап во Серија А од 27 септември, а сега го чека пауза од еден месец.
„Операцијата помина во најдобар ред и периодот на рехабилитација ќе изнесува меѓу четири и пет недели ако не се појават некои компликации“, изјавија од клубот.
Балотели во вториот мандат во Милан одигра четири натпревари и постигна еден гол. Неговиот клуб моментално е на шестото место на табелата во Серија А.