Репрезентативецот на Белгија и играч од нападот на Евертон, Ромелу Лукаку во текот на летото би можел да се пресели во редовите на Реал Мадрид. Според вестите од островот „кралевите“ се подготвени да платат 60 милиони фунти или околу 77 милиони евра за да го откупат неговиот договор со клубот од Ливерпул.
Дали овие пари ќе бидат доволни ќе се види во скоро време. Сепак, јасно е дека нема да биде лесно бидејќи ќе има уште неколку екипи коишто ќе бидат подготвени да платат за него така што може парите коишто се нудат да не бидат доволни.
Во Лукаку, Реал Мадрид гледа играч кој ќе донесе голови во нападот и ќе биде замена за Карим Бензема кој сезонава повеќе е надвор од терените отколку на нив, но е и надвор од форма.
Покрај тоа се очекува репрезентативецот на Франција да биде ставен на трансфер листата и да си замине во текот на летото. Тој ќе биде еден од неколкуте играчи на кои ќе им биде покажана излезната врата, па затоа Лукаку е фудбалерот во кого се гледа новиот главен напаѓач на тимот на Реал Мадрид.
„КРАЛЕВИТЕ“ ГО СЛЕДАТ И МОРАТА
Ромелу Лукаку е само еден од играчите на кои се смета за ангажман во текот на летото, а Алваро Мората е фудбалерот кој би можел да се врати назад меѓу „кралевите“. Тој игра во Јувентус, а како што стојат работите лесно би можело да се случи тој да се врати во клубот откаде што потекнува.
„Мората е човек на Реал Мадрид и ние ги следиме неговите игри. Како што го следиме него така ги следиме и другите фудбалери коишто биле кај нас, па заминале во друг клуб“, вели Бутрагењо.
Алваро Мората е еден од оние играчи коишто повремено се дел од првите 11 на Јувентус, но најчесто е на терен и на средбите на кои тргнува од клупата. Минатата сезона имаше далеку поголема улога во редовите на „старата дама“, но дефинитивно може многу повеќе од она што е искористено од него.
Затоа во Реал Мадрид се подготвени да го вратат, но за таа цел ќе мора да платат околу 30 милиони евра. Воедно постои можност да се пресели и во Ливерпул или во Арсенал.