Фудбалерот на Баерн Минхен Томас Милер соопшти дека неговиот соиграч Марио Геце не е среќен во редовите на Баерн и дека би можел да го напушти клубот.
Минхенскиот тим е на прагот на освојување на нова титула во Бундес лигата бидејќи има пет бодови предност во однос на Борусија Дортмунд на седум кола до крајот на сезоната. Геце со голот во финалето на Светското првенство против Аргентина и ја донесе титулата светски првак на Германија.
- Зборував со Марио и мислам дека тој во целост не е задоволен со својот третман во Баерн. Но, јас не сум негов агент и нема да зборувам за неговата иднина, изјави Милер.
Геце оваа сезона одигра само 12 натпревари, а четири месеци беше отсутен поради повреда. Според пишувањата на англиските медиуми голем интерес за играчот, има од премиерлигашот Ливерпул. Геце со заедно со сегашниот менаџер на Ливерпул Јирген Клоп соработуваше во Борусија Дортмунд.