Тренерот од Португалија, Жозе Мурињо, нема намера да прифати ниту една друга понуда освен онаа на Манчестер Јунајтед. Тој е категоричен дека посакува да биде на клупата на „ѓаволите“ и за ова нема никаква тајна.
И покрај тоа Насер Ал-Хелаифи имал разговори со агентот на Мурињо, Мендеш, но разговорот бил за да бидат ангажирани во пакет со Кристијано Роналдо.
Сепак, ПСЖ не е единствениот тим кој го посакува Мурињо во своите редови. Веќе беше објавено дека му нудеа договор и од Валенсија, но и од Реал Мадрид го сакаат назад. Меѓутоа, блиски извори на Мурињо велат дека тој не планира да се пресели во некој од овие тимови бидејќи и понатаму посакува да биде дел од Манчестер Јунајтед и да го преземе водењето на клубот со голема традиција во Англија.
Според сето ова станува јасно дека Мурињо нема да прифати ниту една понуда од другите тимови иако тие можеби се и подобри од онаа што ја има од Јунајтед. Португалецот сака да биде дел од тимот кој во минатото беше предводен од страна на сер Алекс Фергусон и да се обиде да ги повтори истите успеси или барем да се доближи до нив.