Европа ќе добие нов фудбалски првак, откако Барселона беше елиминирана во четвртфиналето на Лигата на шампионите. Со тоа продолжи традицијата шампионот да не го одбрани тронот. Атлетико Мадрид втор пат во последните три сезони е тимот кој беше кобен за каталонците.
Освен елиминацијата во ЛШ, Барселона е во криза, откако освои само еден од можните 12 бода во Приемра и сега може да ја загуби и титулата во Примера. Една ако може да се каже како позитивна работа за Барселона со елиминацијата од ЛШ е тоа што ќе заштеди буџетот на клубот.
Според најавеното Барселона беше подготвена да даде премии на играчите од 50 милиони евра, доколку ја одбранат тројната круна од минатата сезона. Сепак сега со елиминацијата од ЛШ, останува тимот од „Ноу Камп“ да се надева дека ќе се радува во Примера и во Купот на Шпанија. Според предвиденото, ако се освојат тие две титули, вкупната премија за фудбалерите ќе биде 25 милиони евра, односно двојно помалку, ако повторно беа и европски прваци.
Ако го загубат финалето во Купот, а ја освоијат титулата во Примера, вкупната премија ќе им биде 18 милиони евра, додека ако киксираат и во првенството, а го освојат Купот, премии воопшто нема да има.