Лекарите на Реал Мадрид му поставиле крива дијагноза на Кристијано Роналдо, објавуваат шпанските медиуми.
Според шпекулациите, Роналдо тајно посетил приватна клиника во Манчестер, каде што дознал дека повторно му била поставена погрешна дијагноза.
Португалскиот напаѓач се повреди на мечот со Вилјареал, а лекарскиот тим на чело со д-р Хезус Олмо утврдиле дека се работи за безопасно истегнување на мускулот на десната нога. Меѓутоа, во Англија, Роналдо дознал дека всушност има скинат мускул.
Речиси сличен случај лани имаше и Карим Бензема, откако клупските лекари тврдеа дека има истегнување на мускулот, а тој имал повреда на лигаментите на коленото. Тогаш играчите на шпанскиот гигант наводно побарале комплетна смена на лекарскиот тим, но претседателот на клубот, Флорентино Перез не сакаше да го отпушти неговиот близок пријател Олма.