Хихон, 30.април 2016 (МИА) – Екипата на Хихон синоќа постигна победа над Еибар во првиот натпревар од 36.коло на Примера. Со овој триумф Хихон ја напушти опасната зона на испаѓање од лигата.
Головите за Хихон ги постигнаа: Карлос Кармона во 43.минута и Џонатан Мендез во 82 .минута. Хихон со 35 бодови се искачи на 17. место на табелата.
Денеска се играат четири натпревари од оваа рунда: Реал Сосиедад – Реал Мадрид, Атлетико Мадрид – Рајо Ваљекано, Бетис – Барселона и Гранада – Лас Палмас. Во недела се играат истотака четири дуели: Атлетик Билбао – Селта, Еспањол – Севиља, Депортиво – Хетафе и Валенсија – Виљареал.
Последниот натпревар од колото меѓу Малага и Леванте се игра в понеделник.
Табела: Барселона 82 бода, Атлетико Мадрид 82, Реал Мадрид 81, Виљареал 61, Селта 57, Атлетик Билбао 55, Севиља 52..