Францускиот шампион ПСЖ го насочи интересот кон големата ѕвезда на Наполи, Гонзало Игуаин. „Светците“ се подготвени да предложат 60 милиони евра за аргентинскиот репрезентативец кој треба да го замени Златан Ибрахимовиќ. Француските медиуми откриваат дека агентот на Игуаин е веќе во Париз каде ја разгледува можноста за трансфер како и личните услови на играчот.
Оваа сезона Аргентинецот постигна 36 гола во 35 натпревари во Серија А и беше главен „виновник“ за второто место на Наполи во Серија А. Италијанскиот клуб уште одамна најави дека нема да го продава играчот но можеби милионите од ПСЖ ќе го предомислат и ќе се решат на разделба со својот голгетер.