Вицешампионот на Шпанија, Реал Мадрид во финалето на Лигата на шампионите пред себе ќе има два противника - Атлетико Мадрид и проклетството на стадионот „Сан Сиро“. Токму стадионот во Милано ќе се одигра големиот меч, кој ќе реши дали кралскиот клуб ќе стигне до нов, рекорден 11 трофеј шампион на Европа или тој првпат ќе замине во витрините на Атлетико.
Ако го исклучиме Мадрид, Милано е градот во кој Реал најчесто играл во европските купови - 14 пати. Интересно, во ниту еден од тие 14 случаеви шпанскиот тим не победил, а претрпел 10 порази и само четирипати ремизирал. Конкретно во Лигата на шампионите одиграа 11 натпревари од кои три им се реми, а осум порази и гол разлика 6:21. На „Сан Сиро“ Реал Мадрид го претрпел еден од најголемите порази во историјата, 5:0 од Милан во 1989 година.
На црното сценариот се надополнува и фактот што големата ѕвезда на „кралскиот клуб“, Кристијано Роналдо одиграл три меча на „Сан Сиро“ (два за Јунајтед и еден за Реал) и за 270 минути нема одбележано гол. Самиот тренер на Реал, Зинедин Зидан и покрај тоа што пет сезони играше во Јувентус, нема успеси во Милано и од вкупно девет натпревари против Милан и Интер има само една победа.
Но нивниот противник Атлетико одиграл само еден меч на миланскиот стадион и тој е пред две сезони кога со совладаа Милан со 1:0, а подоцна стигнаа до финалето.