Репрезентацијата на Исланд со голот во последната минута ја победи Австрија со 2:1 во дуелот од 3.коло од Ф групата, а на вториот натпревар од групата Унгарија и Португалија беше 3:3 со тоа што Унгарија трипати водеше.
На дуелот меѓу Исланд и Австрија, Исланд поведе во 18.минута со голот на Јон Дади Бодварсон, а изедначи Александро Шеф во 46.минута. Голот за победа за Исланд го постигна Арор Ингви ТраТраустасон во 90+4 минута. Александар Драговиќ не реализираше пенал за Австрија во 37.минута.
Унгарија и Португалија го одиграа најефикасниот дуел од групната фаза досега. Унгарија поведе во 19.минута преку Золтан Гера, а изедначи Нани во 42.минута. Балаш Душчак донесе водство за Унгарија во 47.минута, а Кристијано Роналдо изедначи во 50.минута. Третото водство на Унгарија и го донесе Душчак со својот втор гол во 55.минута, а пак резултатот го изедначи Роналдо во 62.минута.
Унгарија е прва на табелата со 5 бодови (+2 гол разлика), пред Исланд со 5 (+1), Португалија има 3, а Австрија е последна со 1 бод. Пласман во осминафиналето обезбедија првите три репрезентации, а Португалија има подобар биланс од третопласираните селекции на Албанија и на Турција.
Вечерва во терминот од 21 часот се играат натпреварите од Е групата: Италија – Република Ирска и Белгија – Шведска.