Иако Антонио Конте изјави дека Немања Матиќ не е на продажба и дека е во неговите планови за новата сезона, сепак, се чини дека е пред трансфер и пред преселба во редовите на Реал Мадрид.
Матиќ е новата желба на Зинедин Зидан кој посакува искусен играч во средниот ред за посилен кадар во новата сезона. Откако пропаднаа работите со Пол Погба кој и понатаму е во опција за преселба во Манчестер јунајтед и Андре Гомеш кој веќе се пресели во Барселона, Матиќ е фудбалер кој би требало да го засили Реал Мадрид.
„Во моментов јас сум играч на Челзи, а имам договор уште три години. Сепак, во фудбалот никогаш не се знае ништо и многу работи се менуваат набрзина. Затоа, сè е можно и може да се случува сè“, вели Матиќ.
Конте пред неколку дена изјави дека нема намера да го продаде Матиќ, но од Реал Мадрид се подготвени да платат сума од 38 милиони евра. Дали тоа ќе биде дововолно ќе покаже времето.
Инаку, има уште играчи во опција доколку не се случи ништо и со Немања Матиќ. Следен на списокот желби кај Реал Мадрид е Марко Верати од ПСЖ, како и Сисоко и Матуиди кои се репрезентативци на Франција.