Патот на талентираните млади фудбалери, за жал, не секогаш се развива така како што треба. Пример за тоа е Јозеф Халгрен кој пред три години важеше за еден од најталентираните и најперспективни шведски фудбалери.
Тогаш 18-годишниот крилен фудбалер имаше неколку проби во големите клубови како Челзи, Ренџерс, Хамбургер и Херенвен.
Меѓутоа, неговиот живот се промени во март 2015 година. Додека навивачи гледале натпревар од Лигата на шампионите меѓу Барселона и Манчестер Сити во еден бар во Шведска, Халгрен заедно со група на момчиња упаднале со оружје и убиле две лица, а раниле осум.
Халгрен е фатен, а деновиве осуден на 14. годишна затворска казна. Интересна е изјавата на еден од неговите поранешни тренери.
„Тој беше фантастичен фудбалер, но постоеше нешто темно во неговите очи, еден вид на тага“, вели тренерот.