По поразот од Арсенал, што беше втор по ред во првенството Антонио Конте, изразил незадоволство кон своите играчи. Италијанскиот стратег по поразот од лондонскиот ривал посочи дека тимот е страшен, но само на хартија и дека има многу пропусти на кои мора да се работи.
Според британските медиуми, Конте не бил задоволен од дефанзивците пред сè од Бранислав Ивановиќ и Гери Кејхил, а вториот беше главен виновник за првиот гол на Арсенал. Со оглед дека Џон Тери и Курт Зума се мачат со повреди, а првиот се подготвува и за пензија, јасно е дека Конте сака да ја освежи дефанзивната линија па така сака да донесе тројца бекови во јануарскиот преоден рок. Во текот на летото Челзи се интересираше за Леонардо Бонучи, но фудбалерот не сакаше да чуе за заминување од Јувентус.
Медиумите наведуваат дека „Сините“ удриле мерак на двајца домашни играчи и тоа талентите на Барнли и Мидлзбро Мајкл Кин и Бен Гибсон, а на списокот на потенцијални засилувања е Калиду Кулибали од Наполи.