Италијанскиот напаѓач Марио Балотели нема мир ниту во Ница. По одличниот старт во дресот на францускиот тим Балотели бргу се врати на своето. Трет црвен картон од стартот на сезоната е неговиот ефект во дресот на Ница што е најнедисциплинираниот играч во француската Лига 1.
Балотели доби директен црвен картон во 68. минута, меѓутоа неговото исклучување не влијаеше на тримфот на неговиот тим на гостувањето кај „фенерџијата“ Лориен. Судијата Тони Шапрон објасни дека на Балотели морал да му го покаже патот кон соблекувалната затоа што го навредил.
„Ме опцу на англиски јазик. Нема да кажам што точно кажа, но беше пцост и морав да го исклучам“, изјави Шапрон.
Балотели претходно беше исклучен на дуелот со Бордо на 21 декември, а поради втор жолт картон мораше предвреме да го напушти и мечот меѓу Ница и Лориен на 2 октомври. Сезонава Италијанецот доби и четири жолти картони, а има девет гола во 14 настапи за Ница.