Поранешниот капитен и менаџер на Ливерпул Рони Моран почина на 83 години по кратка болест. Од 1952 до 1966 година Моран запиша 379 настапи за Ливерпул, а по повлекувањето му се придружи на стручниот штаб кој го напушти дури во 1999 година.
Моран кој играше на позицијата лев бек двапати беше шампион на Англија и еднаш го освои ФА купот со тимот кој го предводеше Бил Шенкли.
Исто така Моран двапати го водеше клубот како менаџер, прпат по оставката на Кени Далглиш во 1991 година, а потоа по операцијата на срцето на Грем Сунес една година подоцна.
Во 2000 година Ливерпул му организираше проштален меч на Енфилд на кој присуствуваа многу легендарни играчи на клубот како и од светот.