Еден од најдобрите играчи на Челзи, Вилијан е на пат да направи неочекуван трансфер и да си замине од „Стемфорд Бриџ“. Според најавите, Бразилецот е на листата на желби на тренерот на Манчестер Јунајтед, Жозе Мурињо.
Менаџерот на Манчестер најави дека сака да доведе барем четворица нови играчи, за да може да биде конкурентен за трофејот во Премиерлигата за следната сезона. Вилијан сезонава даде 10 погодоци во сите натпреварувања за Челзи, но сепак не е меѓу омилените играчи на тренерот Антонио Конте.
Вилијан беше стартер само на 13 меча под водство на италијанскиот стратег. Играчот за врска е во Челзи веќе четири години, кога дојде од тимот на Анжи.