Инцидентот по вчерашниот меч во Ѓорче, на кој беше удрен судијата Темелков од страна на првиот човек на чаирчани, нема да остане неказнет.
Фудбалската Федерација секако дека ќе покрене постапка против Шкупи и против претседателот на клубот Ејуп Адеми по вчерашните настани по мечот во Ѓорче.
И клубот и првиот човек на клубот нема да останат неказнети откако Адеми со боксови удри по судијата Зоран Темелков и му го скрши носот. Навистина чин за осуда, Темелков најпрофесионално си ја одработи својата работа, беше пенал и тој беше суден, без разлика дали тоа беше во 94. минута. По ова секако дека и Шкупи и Адеми се соочуваат со драстични казни.