Неофицијално дознаваме дека има договор, квалификацискиот меч меѓу Македонија и Албанија, на 5 септември, да се игра во Струмица.
Она што „Македонски спорт“ уште пред година и повеќе го најави, дека квалификацискиот меч меѓу Македонија и Албанија ќе се игра во Струмица а не во Скопје или некој друг град на пример, полека но сигурно се остварува. Нашите информации велат дека има договор овој меч, кој треба да се игра во рамките од 8. коло во Групата „Г“ за СП во Русија 2018 година, ќе се одигра на стадионот „Младост“ во Струмица. УЕФА не само што била запознаена со оваа намера на Фудбалската Федерација на Македонија, туку и дека првично дала одобрување.
Значи УЕФА вели „ДА“ за Струмица, за мечот на 5 септември оваа година.