Ферхан Буба Хасани е пред трансфер во Шпанија, а Бесарт Ибраими, пак, заминува во Дубаи, се споменува и Хата, тимот на Ѓоко Хаџиевски.
Ферхан Буба Хасани и Беарт Ибраими речиси 90% си одат од Шкендија и прават трансфери надвор од Македонија. Ударниот тандем на тетовските „црвено-црни“, „бомбардерите“ на Шкендија, така барем велат нашите информации, решени се по секоја цена да си одат од клубот и да ја продолжат својата кариера во некој друг клуб, но не и во Шкендија.
Зошто е тоа така, веројатно само тие си знаат, секако и раководството на клубот. Секој си има своја цена, а цената на Хасани и на Ибраими, и тоа сосема заслужено, е висока.
Голема е затоа што се едни од петтемина најдобри фудбалери во нашата Прва лига. А нивните примања, неофицијално, заедно се некаде околу 500.000 евра на годишно ниво.