Атлетико Мадрид може да добие големо засилување, но дури во јануарскиот преоден рок. Според најавите, „јорганџиите“ се подготвени да го доведат Златан Ибрахимовиќ. Шведскиот голгетер е слободен играч, но паузира поради повредата на коленото. Се очекува да биде на рехабилитација до крајот на годинава.
Тој имаше договор на една плус една година со Манчестер, но откако се повреди, англискиот гигант не сакаше да му ја продолжи соработката, па затоа сега е слободен играч.
Неговиот менаџер, Мино Раиола, вели дека кога ќе закрепне од повредата, голгетерот повторно ќе биде во одлична форма, иако веќе има 35 години. На исто мислење е и тренерот на Атлетико, Диего Симеоне, кој го почитува напаѓачот, кој игра на врвно ниво во последниве 15-ина години.