Капитенот на репрезентацијата на Велс, Герет Бејл, нема да си замине од Реал Мадрид. Иако имаше шпекулации дека летово ќе бара нов клуб, тој сака да им остане верен на „кралевите“ и во новата сезона.
Поради честите повреди, го загуби местото во стартниот тим, но најави дека повторно ќе се бори да биде во почетните 11-мина на теренот.
„Знам дека воопшто нема да биде лесно да се изборам за место во стартниот тим, но јас ќе направам сѐ што е во моите можности. Никогаш не сум размислувал да си заминам од Реал“, вели Бејл.
Во минатата сезона, напаѓачот одигра само 19 меча во Примера дивисион, на кои даде седум гола, а имаше и две асистенции.