Лондон, 12 август 2017 (МИА) – Актуелниот англиски шампион Челзи со пораз од Барнли ја започна одбраната на титулата во Премиер лигата.
На средбата од 1.коло одиграна попладнево во Лондон, Челзи загуби од Барнли со 2-3.
Гостите во првиот дел имаа убедлива предност од 0-3 откако два гола постигна Сем Воукс (24 и 43.минута), а во листата на стрелци се запиша и Стивен Ворд.
Во вториот дел „сините“ преку Алваро Мората (69) и Давид Луиз (88) само успеаа да го ублажат поразот.
На останатите натпревари одиграни попладнево беа постигнати овие резултати: Кристал Палас – Хадерсфилд 0-3, Евертон – Стоук 1-0, Саутемптон – Свонси 0-0 и ВБА – Борнемут 1-0.
Денешната програма која започна со дуелот Вотфорд – Ливерпул 3-3, ќе биде заокружена со средбата Брајтон - Манчестер Сити.
За утре закажани се дуелите, Њукасл – Тотенхем и Манчестер Јунајтед - Вест Хем.
Потсетување дека вчера во првиот натпревар од новата сезона Арсенал го победи Лестер со 4-3.