Тренерот на италијанскиот фудбалски прволигаш Давиде Никола нема да остане на функцијата уште долго време. Италијанските медиуми објавија дека предводникот на калчолигашот по конфликтот со управата е пред отказ.
Дополнително, на Никола не му одат во прилог ниту резултатите. Кротоне по серијата од три порази се наоѓа на 16.место во Серија А и е многу блиску до зоната на испаѓање.
Минатата сезона, Никола стана спасител на Кротоне. Тимот под негово водство во последен момент успеа да се спаси од преселба во серијата Б.
Тензијата во клубот сега е многу голема. По поразот (0:3) од Удинезе, Никола беше повикан од газдата да даде објаснувања. За време на овој состанок биле разменети остри зборови меѓу челниците и тренерот и најверојатно по ова следува разрешување на Никола.