Тренерот на Реал Мадрид, Зинедин Зидан уште еднаш одговори на новинарско прашање за Нејмар, кој во шпанските медиуми постојано е поврзуван со трансфер на „Бернабеу“ како наследник на Кристијано Роналдо.
- Гледајќи што прави Нејмар, гледаме дека показателите му се исклучителни. Тој навистина е како Кристијано за Реал. Но, јас сум заинтересиран само за моите играчи. Погледнете ја целата кариера на Роналдо...Сакам особено да посочам дека тој постигна осум гола само во последните неколку натпревари од Лигата на шампионите. Таков тип фудбалери прават разликата, изјави Зидан.
Шпекулациите за незадоволството на Роналдо во Реал во последно време зачестија, а како сигурна негова замена од следната сезона се споменува Бразилецот Нејмар кој во моментов е фудбалер на Пари Сен Жермен.