Тренерот на Интер, Лучијано Спалети беше разочаран од настапот на неговите избраници на средбата со СПАЛ која заврши нерешено 1:1.
Тоа беше седми последователен натпревар на „нероазурите“ во Серија А без победа, по што се оддалечија од лидерот Наполи.
- Вака нема да стигнеме далеку. Не гледам подобрување во играта. Постојано создаваме ситуации кои не ги користиме. Исто така се случува да губиме банално топки и не се враќаме назад. Не можеме да најдеме баланс и потребниот менталитет, истакна Спалети.
Интер по 22. рунди во Италијанското фудбалско првенство се наоѓа на 4.место со 44 бода, 13 помалку од лидерот Наполи