Екипата на Челзи нема намера да се откаже од услугите на плејмејкерот на Милан и италијанската репрезентација Андреа Пирло. "Сините" беа експресно одбиени од Милан иако во зделката ги понудија младиот Мајкл Мансиен на позајмица и искусниот напаѓач Клаудио Пизаро.
Сега екипата од Стемфорд Бриџ реши да ја зголеми својата понуда. Покрај двајцата играчи управата на Челзи ќе испрати и сума од 8,6 милиони фунти.
Иако Милан не попушта во своите намери, сепак, Челзи се надева дека ќе може да го убеди претседателот на италијанскиот клуб, Силвио Берлускони, кој најави дека неговиот тим ќе се осврне на млади сили и нема да чува ветерани. Иако Пизаро веќе има 30-години, а од друга страна на "црвено-црните" очајно им се потребни напаѓачи по пропаѓањето на трансферите на Џеко, Фабијано и Адебајор. Во Пизаро би добиле искусен играч кој би бил финансиско олеснување за клубот бидејќи би заработувал далеку помалку пари за разлика од Пирло.
Неофицијално се дознава дека Берлускони има намера да ја прифати оваа понуда, но ќе проба да изнуди барем уште два милиони фунти од англискиот џин за целосно да ја комплетира зделката.