Дербито на Лондон меѓу Тотенхем и Арсенал кое синоќа се играше во рамките на 33.коло од Премиер лигата заврши нерешено 3:3.
Головите за Тотенхем на „Вајт Харт Лејн“ ги постигнаа Рафаел ван дер Варт (7 и 71.минута) и Томас Худелстоун (44.минута). За Арсенал погодија Тео Волкот (5.минута), Самир Насри (13.минута) и Робин ван Перси (41.минута).
Синоќа во Лондон се играше уште еден заостанат меч од 33.коло во кој Челзи го победи Бирмингем со 3:1.
На пет кола до крајот на првенството на табелата и натаму водечки е Манчестер Јунајтед со 70 бодови. Сега втор е Челзи со 64 колку што има и Арсенал на третото место, а по нив следуваат екипите на Манчестер Сити и Тотенхем со 56, односно 54 бодови, но овие два тима имаат и по еден натпревар помалку.