Капитенот на Арсенал, Робин Ван Перси синоќа играше против Белгија, а денеска се очекува место во Лондон да се појави на "Олд Трафорд", па откако ќе ги мине лекарските прегледи да го потпише договорот со тимот на Манчестер Јунајтер.
Оваа вест која се појави синоќа во моментите кога веќе се играа пријателските средби беше големо изненадување, но медиумите велат дека е вистините и дека Венгер и Фергусон успеале да се договорат за условите под кои "топчиите" ќе го ослободат својот најдобар фудбалер.
Како што е веќе познато договорот на Ван Перси со Арсенал истекува следното лето, па затоа и Јунајтед толку притискаше за да го добие летово. Од Арсенал, пак, беа свесни дека ова им е шансата за да добијат пари за капитенот и токму затоа доцна синоќа дојде до договор за Ван Перси.
Иако тимовите се договориле синоќа немаше детали околу трансферот и сумата за која Манчестер го доби Ван Перси. Исто така нема ниту сума која ќе му припадне на фудбалерот и должината на договорот кој треба да го потпише денеска после медицинските прегледи. Она што се знае е дека во текот на денешниот ден се ќе биде разјаснето и добро познато.