Адис Јаховиќ, фудбалерот на ФК Цирих е еден од трите новитети на списокот на селекторот Чедомир Јаневски за претстојниот пријателски натпревар против Словенија.
Јаховиќ оваа година премина на позајмица во Цирих од Вил второлигашот во Швајцарија. Македонскиот интернационалец додека го носеше дресот на Вил беше суспендиран на 10 натпревари бидејќи наводно за време на полувремето од натпреварот против Биел се заканил на судијата кој му покажал црвен картон дека ќе го убие.
Напаѓачот во дресот на Вил постигна 23 гола на 35 натпревари, а во дресот на Цирих постигна гол во вториот натпревар со што го привлече вниманието на селекторот Јаневски.
Погледнете го Адис Јаховиќ на теренот.