Тренерот на Наполи, Рафаел Бенитез, посакува да го реши голманското прашање со тоа што ќе го откупи целиот договор на Пепе Реина од Ливерпул. Моментално Шпанецот како позајмен настапува во Неапол, а англискиот тим бара 20 милиони евра отштета за чуварот на мрежата. Со оглед дека Бенитез не е подготвен да одвои толку голема сума, планира да го испрати нашиот фудбалер Горан Пандев на Енфилд и плус да даде пари за да го ангажира Реина. Сепак, менаџерот на Ливерпул, Брендон Роџерс, ги бара од Наполи Валон Бехрами или Гохан Инлер, додека Бенитез не е подготвен на таква зделка.
Ова е најновата шпекулација кога станува збор за трансферот на Горан Пандев, кој е сè поблиску од напуштање на Неапол и преселба во друг тим, па дури и друго првенство. Се споменуваше Зенит како најсериозен во намерите да го ангажира најдобриот македонски фудбалер, иако има и други варијанти. Останува да се види дали во летниот преоден рок Пандев ќе го напушти Наполи или ќе остане верен на овој тим со кој е веќе две години. Токму кога Бенитез беше тренер, Пандев си замина од Интер и се пресели кај „Наполитанците“.