Баерн Минхен официјално објави дека потпишале договор со одбранбениот играч на Ајнтрахт Франкфурт Себасијан Роде. 23-годишниот фудбалер ќе му се приклучи на германскиот шампион во јуни 2014 година како слободен агент со договор до 30 јуни 2018 година.
Тој е вториот фудбалер што ќе го засили најтрофејниот германски клуб по Роберт Левандовски, кој ќе го облече дресот по завршување на сезоната.
Според германските медиуми, Роде бил договорен уште пред доаѓањето на Пеп Гвардиола. Поради тоа Роде одбил да потпише нов договор со Ајнтрахт за да прејде на „Алијан арената“ како слободен играч. Роде има 108 настапи за Ајнтрахт вклучувајќи и 61 во Бундес-лигата.
„Среќен сум што се реализира трансферот. Тоа е голем чекор напред за мене. Сакам да се развијам во голем играч и да освојувам титули со идните соиграчи“, изјави Роде.