Тренерот на Атлетико Мадрид, Диего Симеоне, е посакуван од Монако, а тој би можел да се пресели во овој тим во пакет заедно со Диего Коста.
За сопственикот на Монако парите не се никаков проблем и потребната отштета Диего Коста ќе биде платена без проблеми. Сумата која се подготвува во Монако е 38 милиони евра. Покрај тоа плус за овој трансфер е и агентот на Диего Коста, Хорхе Мендеш, кој ги има реализирано најголемиот дел од трансферите во тимот на Монако.
Тренерот на Атлетико Мадрид, Диего Симеоне, е посакуван од неколку екипи. Сепак, тој е врзан со договор, а во клубот сигурно ќе сакаат да го задржат и во иднина, особено поради резултатите кои ги бележи со екипата. Тој веќе ја освои Лигата на Европа, а лани и Купот на Шпанија.
Во моментов Атлетико е лидер во Примера, а покрај тоа е во полуфиналето и од Лигата на шампионите. Ако успее да ги освои овие две круни тогаш ќе успее и да си ја крене цената уште повеќе, но сигурно и раководството на клубот нема да сака лесно да се раздели од него. Тоа ќе ја направи мисијата на Монако тешко изводлива.
И ЧЕЛЗИ СО ПОНУДА ЗА ДИЕГО КОСТА
Покрај тимот на Монако, понуда за Диего Коста се очекува да упати и Челзи. Жозе Мурињо доби 60 милиони евра од кои најголемиот дел треба да ги потроши за ангажман на натурализираниот Шпанец. Ова значи дека Монако добива сериозна конкуренција и дека ќе биде многу интересно во текот на летото.