Фудбалерот на Манчестер Јунајтед Рајан Гигс е именуван за привремен менаџер на клубот, на местото на Дејвид Мојс кој денеска доби отказ поради лошите резултати.
- По смената на Мојс, клубот соопштува дека Рајан Гигс, нашиот најтрофеен играч, ќе го води првиот тим до изнаоѓање стално решение, се вели во соопштението објавено на клупската веб страна.
40-годишниот Гигс дебитираше за Јунајтед во март 1991 година. До сега за „црвените ѓаволи“ одиграл 962 натпревара и освоил 13 шампионски титула во Англија, два трофеи во Лигата на шампионите, четири во ФА купот, четири во Лига купот и една титула светски клупски првак.