Поранешниот стратег на шампионот на Италија, Антонио Конте, демантира дека имал разговори со ПСЖ за да го преземе водењето на овој тим и да го замени Лоран Блан. Тој очигледно посакува да се најде на селекторската позиција во Италија и затоа сите работи во моментов водат кон тоа.
„Додека бев на одмор во еден весник прочитав дека мојот агент е во преговори со ПСЖ. Јас немам менаџер или официјален претставник. Несфатливо е како некој со леснотија објавува вакви вести кои се невистинити. Она што можам да го кажам е дека немам контакти со ПСЖ и нема да го преземам овој тим“, вели Конте.
Тој по три години работа во Јувентус поднесе оставка, а таму беше наследен од Масимилијано Алегри.