Фудбалерот на Борусија Дортмунд, Марко Ројс се повреди во лош момент и го пропушти Светското првенство во Бразил, а докторите велат дека тој би можел да биде подготвен да се врати на терените пред стартот на новата сезона.
Ваквата вест беше потврдена и од страна на тренерот на тимот, Јирген Клоп, кој вели дека Ројс би можел да се врати на тренинзите за две до три недели. Гипсот кој го носеше му беше изваден во петокот, а вчера почна со лесно трчање, што дефинитивно е вест која никој не ја очекуваше.
Сезоната во Германија стартува на 22 август со средбата меѓу Баерн Минхен и Волфсбург. Претходно на 13 август Борусија и Баерн играат во Супер купот на Германија, а дали Ројс ќе може да се најде на теренот на овој меч, останува да се види. Она што е посигурно засега е дека тој ќе биде подготвен да биде во тимот за стартот на сезоната против Баер Леверкузен. Тој дуел се игра на 23 август.