Голманот кој брани веќе десет години во тимот на Челзи, Петр Чех би можел да биде ставен на трансфер листа и да биде продаден до крајот на преодниот рок. Причина за тоа е враќањето на Тибо Куртоа во тимот по позајмицата во Атлетико Мадрид.
Со оглед на тоа дека се работи за два многу квалитетни голмани сосема јасно е дека еден ќе мора да биде на клупа и тој постојано ќе биде незадоволен. Со оглед на младоста на Куртоа тој ќе добие предност, а Чех дефинитивно останува во втор план.
Ветерано од Чешка ќе има уште неколку сезони, но во моментов во Челзи има проблем и со бројот на странци кои се на возраст од над 21 година. Дозволениот број е 17, а во моментов кај „сините“ се 18 играчи. Оттаму прво се зборуваше за Торес, а сега и за Чех дека ќе бидат продадени.