Барселона објави дека од ФИФА добила официјална потврда за дозвола за настап на Уругваецот Луис Суарез на претстојното дерби со Реал Мадрид.
- Судскиот суд за арбитража (ЦАС) потврди дека казната на Суарез му истекува на 24 октомври на полноќ и дека тој на 25 октомври за кога е закажано големото дерби ќе може да игра, стои во соопштението на ФИФА кое го пренесува клупската веб страна на Барселона.
Суарез по инцидентот на Мундијалот во Бразил кога го гризна Џорџо Кјелини беше суспендиран четири месеци, а деновиве се појавија дилеми дали казната му истекува на 24 или на 25 октомври.
Дербито на Примера меѓу Реал и Барселона ќе се игра в сабота од 18 часот на „Сантијаго Бернабеу“ во Мадрид.
Каталонците во моментов се лидери на табелата со 22 бода, четири повеќе од Реал Мадрид.