Претседателот на Реал Мадрид, Флорентино Перез изјави дека тој никогаш не размислувал за можноста Герет Бејл да го напуши мадридскиот клуб.
- Бејл е трет најдобриот фудбалер во светот по Роналдо и Меси. Останувањето на Бејл не е доведено во прашање и никогаш не сум слушал некоја понуда за него. Тој е клучен фудбалер на Реал Мадрид, а јас не можам да го замислам клубот без него и Роналдо, изјави Перез за шпанскиот весник „Марка’’.
Шпанските медиуми веќе одреден период шпекулираат дека Бејл е мета на Челзи, а дека лондонската екипа е подготвена за услугите на Велшанецот да одвои 110.милиони евра.
Бејл оваа сезона во сите натпреварувања одигра 39 натпревари и постигна 16 гола. Тој дојде на „Сантијаго Бернабеу“ летото 2013 година од екипата на Тотенхем, а претходно играше за Саутемптон.