Напаѓачот на Манчестер Јунајтед Робин Ван Перси ги одби понудите на Галатасарај и на Фенербахче следното лето да заигра за еден од двата турски гиганти.
Истанбулските екипи се подготвени на Холанѓанецот да му даваат плата од 220.000 фунти неделно, што е повеќе отколку што во моментов заработува на „Олд Трафорд".
Ван Перси од Арсенал во 2012 година дојде на Манчестер Јунајтед и потпиша четиригодишен договор, неодамна закрепна од повредата на коленото и се врати на терен.
Ван Перси сезонава одигра 24 натпревари во Премиер Лигата и постигна десет гола со две асистенции.