Готово е! Македонската кошаркарска репрезентација на претстојното Европско првенство ќе ја предводи Марјан Србиноски.
Марјан Србиноски ја доби довербата да биде селектор на сениорската репрезентација на Македонија, по разговорот со Заре Марковски, спортскиот директор на Македонската кошаркарска федерација.
- Првиот асистент на селекторот на двете последни ЕП, Србиноски и како кошаркар учесник на континенталниот собир, ја потврдува определбата на Федерацијата да го искористи сопствениот потенцијал“, стои во соопштението објавено на официјалниот сајт на МКФ.
Србиноски претходно во 2013 година исто така беше предводник на сениорскиот национален тим на настапот на Медитеранските игри во Мерсин, како и помошник тренер на претходните две ЕП, на Алеш Пипан во Словенија во 2013 година, како и на Марин Докузовски во 2011 во Литванија.