Ветеранот во македонската кошаркарска репрезентација, Владо Илиевски за хрватските медиуми имаше пофални зборови за противникот пред утрешниот натпревар со селекцијата на Хрватска.
Илиевски за NOVA изјави: Хрватска е најверојатно најдобрата селекција во нашата група. Ќе играат дома и ќе имаат гласна поддршка. Имаат исто така 12 одлични играчи кои играат во супер европски клубови, а исто така и добар тренер кој е долго во европската кошарка. Квалитетот е на нивна страна, но ние ќе се обидеме да ги изненадиме. Малата Македонија има големо срце но ќе се обидеме да го оставиме на паркетот, изјави Илиевски.
Илиевски исто така додаде дека ја гледа и Хрватска како една од фаворитите за медал:
-Ми се чини дека оваа генерација која расте, дојде до момент да го зграби подиумот и да дојде до медал.
Илиевски на натпреварот против Холандија имаше скор од 15 поени и 7 асистенции, а натпреварот од 3-то коло против Хрватска ќе се одигра во Загреб со почеток во 21 часот.