- Потфрливме во сите сегменти. Грузијците многу повеќе ја посакуваа победата и заслужено победија. Ние како да не бевме спремни и психолишки оптоварени со важноста на средбата и премногу меко влеговме во дуелот, изјави селекторот Марјан Србиноски
Пробавме да се вратиме, но Грузија беше предобра. Немавме решение за Пачулија и Маркоишвили, се обидовме, но не ни одеше. Како да бевме преимпресионирани и не можевме да го дадеме максимумот. Ни останува уште една шанса, верувам дека денеска ќе прикажеме многу подобра игра. По квалитетот, Словенија е трета во групата, вкомпонирана екипа се, играат агресивно во одбраната. Можеби некои од најголемите ѕвезди не им се тука, но секој си ја знае задачата. Ќе ни треба 120 отсто од себе, среќа и енергија. За да ги победиме. Ни останува малку време да се кренеме психички и да се освежиме, но немаме избор. Се надевам дека Војдан ќе игра, навистина ќе ни биде потребен. Знаеме како треба да победиме, мора максимално залагање во одбрана, побрзо движење во напад и отворање на контри.